Best collection of poetry

Subject: Best collection of poetry 2008-05-22, 17:50

Qurb k na wafa k hote hain
Saray jhagray anaa k hote hain

Baat niyat ki sirf hai warna
Waqt saray dua k hote hain

Bhool jate hain, mat bura kehna
Log putlay khata k hote hain

Wo bazahir jo kuch nahi lagte
Unse rishtay bala k hote hain

WO HAMARA HAY IS TARAH SAY FAIZ ~'
JAISAY BANDE KHUDA K HOTHE HEIN ......!!!

*********************************************

Tu Mera Naam Na Poocha Ker!
Main Teri Zaat Ka Hissa Hoon
Main Teri Soch Main Shamil Hoon
Main Teri Neend Ka Qissa Hoon
Main Tery Khawab Ka Haasil Hoon
Main Teri Yaad Ka Mehver Hoon
Main Teri Saans Ka Jhonka Hoon
Tu Manzar,Main Pas-Manzar Hoon
Main Lamha Hoon,Main Jazba Hoon
Jazby Ka Koi Naam Nahi..
Tu
Mera Naam Na Poocha Ker!!!!

***********************************

Tumhain Janan Ijazat Hai
K in Tareek Rahon Par
Thakan Si Khud Mein Pao to
Andheron Se Kabhi Dil Dol Jae
Thak Si Jao To
Mere Jalte Hue Lamhon
Mere Bekangal Hathon Se Chora K Apne Hathon Ko

Fiza Ki Naghmagi Se tum Nae Geeton Ko Chun Lena
Haseen Palkon Ki Nokon Par Nae Khawab Bun Lena

Koi Gar Pooche Mera To Usse Zikar Mat Karna
Mere Jeevan Ki Jalti Dopahar Se Begharz Ho Kar
Tum Apni Chandni Raton Mein Jugnoo Palti Rehna
Meri Tanhaiyon Ki Wehshaton Ki Fikar Mat Karna

Tumhein Is Ki Ijazat Hai

Mere Sab Khat Jala Dena
Mere Tehfoon Ko Darya Mein Baha Dena
Meri Har Yad Ko
Dil Se Khurachna
Or
Mita Dena

Tumhain Bilkul Ijazat hai

K Jab Chaho Bhula Dena
Magar Itni Guzarish Hai
Agar Aisa Na ho Janan
To Acha Hai Na............ !!

********************************

Kehnay Ko Us Say Mera Koi Waasta Nahi
Amjad magar Woh Shakhs Mujhay Bhoolta Nahi

Darta Hoon Aankh Kholoon To Manzar Badal Naa Jayey
Main Jaag To Raha Hoon Magar Jaagta Nahi

Aashaftagi Say Uski Usay Bay Wafa Naa Jaan
Aadat Ki Baat Aur Hay Dil Ka Bura Nahi

Tanha Udaas
Chaand Ko Samjho Naa Bay Khabar
Har Baat Sun Raha Hay Magar Bolta Nahi

Khamosh Ratjagoun Ka Dhuwaan Tha Chahar Soo
Nikla Kub Aaftaab Mujhay To Pata Nahi

Amjad Woh Aankhain Jheel See Gehri To Hain Magar
Un Main Koi Bhi Aks Meray Naam Ka Nahi..............!!!

*********************************

Dard-e-Mushtarik

Tumhain daikhaa nahi
Jana nahi
Phir bhi ye lagtaa hai

Qabeela aik hai apnaa!!!!!

Wohi dard-e-judai hai
Wahi bheegi hui palkain

Naseeba aik hai apna!!!

Kisi se kuch nahi kehnaa
Koi shikwaa nahi karnaa

Qarenaa aik hai apnaa!!

Kisi ki yaad se
Weran-i-dil jagmaga lainaa

Khazeena aik hai apnaa!!

Yaqeen ki akhri had tak
Milan ki khushgumani hai

Nateeja aik hai apnaa!

******************************

**

Mujhe koi aisa raasta bata
Ke jis per chal kar
Mein tujhe bhool sakoon
Ya phir
Mujhe koi aisi raah dikhlaa
Jis per chaltay huwe
Mein tere saath guzre huwe
Lamhoon ki rafaaqat
Ek khwaab samajh kar
Bhula sakoon
Ya phir
Mujhe koi aisi simt bataa
Jahaan jatay huwe
Mein tujhe na sochoon
Na hi tujhe yaad karoon
Aur
Agar aisa koi raasta
Aisi koi raah
Aisi koi simt
Nahe hai tere paas
Tu phir
Mujhe mere haal pe chor day........

***********************************

Meri galtion ko chuna kro,
Meri larzisho ko gina kro,
Ye
Qadam qadam ki hadod kya?
Mere sath sath chala kro!
Main khule mizaj ka shaks hon,
Main takalufat se hun mavara,
Ye mehrbani k jo lfz hain,
Inhe tm na muj se kia karo;
Kahin tum na ho jao besakon!
Koi badua tumhen kha na le!
Ye jo khoye khoye se log hain...
Inhe dekh kr na hansa kro
Ye Dua hay Rabekarim se,
Teri tazgi ko khizan na ho,
Ye bahar tm se jala kre,
Sada muskurate rha kro...!!!

***************************
Hum jo toote to is tarah toote
jaise hathon se girr k pathar par
koi shafaaf aaiina toote
jaise palkon se toot tha aansoo
jaise seene main ik kamaan toote
jaise umeed ki nazuk daali
barg mosam main na gahaan toote
jaise aankhon main khwab ki doori
waqt e takmeel se ulajh jaye
jaise pairon tale zameen nikle
jaise sar par yeh asmaan toote
jaise ik shaakh pe bharosa kia
is pe jitne thay aashiyaan toote
jaise wehshat se hosh aa jaye
jaise ta dair main dheyaan toote
ab jo raiza howay to sochte hain
kis nay dekha tha tootna apna
hum jo toote to raayegaan toote

********************************

Kaho dukh k samander ka safar ab tak raha kaisa..?

Kaha ujlay kinaaro'n ka koi imkaan daikha hay...

Kaho derya kinaaro'n say bhhala kya guftugoo thehri..

Kaha derya ko apnay zabt pay hairaan daikhha hay...

Kaha kyun kis liyay khhola yeh tum nay dilka drwaza

Bataaya dil k rasto'n per koi mehmaan daikhha hay...

Kaho us ishq ki baabat, bhhala kya had rahi ho gi..?

Kaha woh ishq jaisay rooh ka sartaan daikhha hay...

Kaho us say bichharrnay ki, tumhain manzoor yeh hoga

Kaha jeenay ki khuwaahish ko kabhi qurbaan daihha
hay...

Kaho phir tum pay kya guzri, woh khuwaab-e-zindagi khho ker..?

Kaha kal apni aankho'n ko bohot bay-jaan daikhha hay...!

*****************************

Dard Phail Jae To….

dard phail jae to…
Aik waqt aata hay
Dil dharakta rehta hay
Aarzu gazeedon kay, hoslay nahin chaltay
Dasht-e-bey yaqeeni mein
Aasray nahin chaltay
Reh rawon ke aankhon mein
Manzilain na jab tak hon
Qaflay nahin chaltay
Ik zara tawajjah sey, dekhiye to khulta hay
Loag un pey chaltay hain
Raastay nahin chaltay
Sochnay,samajhnay sey
Saath saath chalnay sey
Dooriyan simat te hain
Faslay,nahin chaltay
Bakht saath chalta hay
Tala'a aazmaon kay
Waqt raam kernay mein
Tajzeyon kay dao kia!!
Tajrubay nahin chaltay
Ishq kay elaqay mein, hukm-e-yaar chalta hay
Zaabtay nahin chaltay
Husn ki aadalat mein
Aajizi to chalti hay
Martabay nahin chaltay
dOsti kay rishton ke
perwarish zaroori hay
silsilay ta'alluq kay
khud sey ban to jatay hain
lekin………..
in shagufon ko tootnay, bikhernay sey
rokna bhe perta hay
chahaton ke mitti mein
aarzoo kay podon ko ,seenchna bhe perta hay
ranjishon ke baton ko,bhoolna bhe perta hay….!!!

********************************

» Tanhai My Collection Of Sad Poetry
» !!*!!~* S!nCe D@ DaY ... Beautiful Poetry *~!!*!!
» !!~~~poetry quotes~~~!!
» **DESIGNER POETRY**
» Submit your own poetry...