Sabhi Udaas Moasam Hain Kabhi Milney Chaley Aao
Dukhon Main Ham To Gum Sum Hain Kabhi Milney Chaley Aao
Tumhare Baad Kaise Roanaqain Is Dil Ki Nagri Main
Sabhi Charagh Madham Hai Kabhi Milnay Chaley Aao
Tumharay Paas To Hongi Zamane Bhar Ki Sab Khushiyan
Hamare Paas To Gham Hain Kabhi Milney Chaley Aao
Tumhari Yaad Ab Dil Ko Bohat Takleef Deti Hai
Nigahain Bhi To Purnam Hain Kabhi Milney Chaley Aao
Lagey Hain Zakham Kitney Bay Baha Dil Pe Mohabbat Main
Tumhare Lafz Merham Hain Kabhi Milney Chaley Aao
Bohat Hamderd Hain Yun To Hamarey Bhi Zamane Main
Mager Phir Bhi Bohat Kam Hain Kabhi Milney Chaley Aao
Yeh Pather Hi Na Ho Jaain Nigahain Dekhte Rasta
K Khushian Bhi to Berham Hain Kabhi Milney Chaley Aao
Na Jane Kab Yeh Larki Haar Day Sanson Ki Bazi Ko
Isse Lahaq Terey Gham Hain Kabhi Milney Chaley Aao